Än Ape für dManufaktur

Laaaang isch's her, sit mim letschte Update - ich weiss. Äntlich gaht's ez aber effektiv wiiter - vergangenä Friitig isch nämmli äääääändlich de Rollladä i de Werchstatt achoo, wo sVerchaufsdach bilde duet, resp. di ganz Front schützt vo obe und siitlich. Aso diä, wo uf dem Foti hinedraa isch.
Und, wie uf dem biigfüägtä Foti ersichtlich isch, isch das Auto persee ohni vorderi Türä (denn eigentli isch ja de ganz Ape nöd konzipiert als e sones uusgfiilts Gfährt). Will s für mich ohni Türä aber kä Option isch, gsii isch, im Winter wott ich's ja äu chöne im Isatz ha, wärdet äu diä explizit für mis Gfährt gschweisst und gschueschteret. *sooo cool!

Kommendi Wuche also gahts ändlich ändlich wiiter und de Plan, zum das Gfährt am Büüli-Fäscht ändi Augschtä s'erschtä Mal im Isatz zhaa, wierd immer realistischer. Uf jede Fall stigt dVorfoid bi mier ernoit und i hoffe äu bi dier, wo das Projekt mittreit hät =)

Uf jede Fall blibts spannend und bi Noijigkeitä wiersch ernoit vo mier ghöre=)

Bis gliii**

Ich han di vergangnigä Täg mis beschtä gää, und di allermeischtä vo de Gschänk lieged aktuell bi mier i de Stube - de aktuell wiedermal effektive 'Manufaktur-Stubä', ufme riise Stapel und wärdet am Mäntig ufd Poscht pracht.

Und da ich gern selber aapacke, han ich mich ad Straassechartä gsetzt, und mier de Plan uufzeichnet, weli Gschänk ich morn eigehändig bi oi, wo in nöcherer Umgäbig wohned, chan uusliefere.

Sodeli, aber ez, gnueg gschaffed für hüt. Bis bald igendwoo - oii Andrea

Wow - ich fasses chuum, dass mier die gross Lascht gna worde isch, wie'n ich das Gfährt bloss finanzierä!

Ich bin na immer eifach sprachlos, dass sich tatsächlich über 80 Mänschä zämätaa händ und mier das riese Projekt hälfäd stämmä! Vo Härzä MERCI tuusig, häsch DUUU da tatchräftig mitghulfe!

Wie gahts ez konkret wiiter; wie'd ja mitbechoo häsch, isch mis Gfährt in Produktion und fasch färtig und i wenige Wuchenä düüs ich nach Plaan demit i de Gegend umä. Näbed em bekannte Sortimänt vo Igmachtem wie gseit äu früschi Crèpes. Und. Wie cha's andersch sii - sonigi mit Eier vom Buurehof um de Egge und Mähl us de Mühli zEmbrach. Und nöd eifach igend es guets Mähl - näi, es UrDinkel-Mähl, wo namal es gwüsses Plus in Sache Nährwert hät.

Und dass sTuki äu tatsächlich Realität wierd, gang ich äu negscht Wuchä wieder in Aargau goge go hälfä bauä. Aber für hüt gnüss ich de Sunntig und rueh mich uf dem Sitzli, bildlich gsproche, i mim Tuki, uus.

Ich phalt di ufm läufende - en wuunderbar sunnigä Muetertagssunntig wünschi jedem einzelnä vo'n'oi! Bis glii - oii Andrea

Soo cool! Je länger s'gaht, deschto grösser wierd dSchaar vo Understützer, wo mier nöd persönlich bekannt sind. Zmindscht nanig😉
Äs härzlichs Dankeschön aso äu a oi!

Update us de Werchstatt - underdessä ischs doch wieder wiiterggange und ich bin guten Mutes, dass es richtig bombastisch wärdä wierd - denn wänn sFundament verhebt, isch äu daas wo druff chunt tragfähig(*○*)

I dem Sinn - en wuuunderbare Sunntig oi allnä, mini bombastischä Unterstützer!

Herzlichscht, oii Andrea

Guete Fritig-Mittag, allersiits
I höcklä gad ez im Bus zrug vonere Step-Visite bi mim noije Gfährt - eigentli hettis es effektivs Mithälfä vo mier söllä wärdä, aber schweisse und dergliiche dut mer lieber elläi;)

Insofern - isch isch am effektiv Wärdä und bim devoorschtah, hani's s'erschte Mal di tatsächlichä Dimensionä vor mer ghaa und ebe jaa - dVorfroid wierd immer gröösser😃

Ernoit bitt i dich nanemaale um Teilä, Teilä, Teilä.

Bis bald wieder - herzlichscht, dAndrea